ORA - Lúxus síld  





Merkin:
 

 

  
Heim Senda síðu Veftré Upplýsingar Prenta síðu
Ora
ástríða í matargerð


ORA LÚXUS SÍLD
Ora framleiðir níu tegundir af síld í laglegum notendavænum umbúðum og eina þeirra í tveim stærðum. Tvær vinsælustu tegundirnar eru til í 600 g krukku en annars er um 330-375g krukkur að ræða.

Meiri upplýsingar um Ora er hægt að nálgast á www.ora.is

Síld er holl!
Í síldinni er mikið af Omega-3 fitusýrum sem hafa jákvæð áhrif á samsetningu blóðfitunnar og hindra æðakölkun, en þær hafa einnig jákvæð áhrif á storknunareiginleika blóðsins og hindra myndun á blóðtappa. Í feitum fiski, eins og lax (og síld) fást u.þ.b. 2,4 g af omega-3 fitusýrum úr 200 g skammti.
Síldin inniheldur líka mikið af próteinum eða 19,3 g í 100 g af fiski. Próteinið í fiski er auðnýtanlegt og amínósýrurnar eru í heppilegu hlutfalli fyrir manninn.
Í síldinni er einnig mikið af A, D og E vítamínum og steinefnum eins og joði og kalki en sjávarfiskur er helsti joðgjafinn í fæðinu.
Manneldisráð hvetur Íslendinga til að borða meiri fisk.
Heimild: Heimasíða Rannsóknarstofnunar fiskiðnaðarins (www.rf.is)
 

ORA ÞORRASÍLD
Enn heldur Ora áfram að koma með nýjungar í síld - í upphafi árs 2005 kom Þorrasíld á markað
Þorrasíldin er sérlöguð með þennan þjóðlega sið okkar íslendinga í huga, að halda uppá þorran með því að gæða sér á séríslenskum þorramat en honum á að sjálfsögðu að fylgja síld.

Þorrasíldin er marineruð í bitum og bragðið er ekki eins sætt og öllu meira kryddað en fólk á almennt að venjast.
 
Myndir og merki
Smellið á þumalmyndirnar til að sækja/skoða þær í prentupplausn:
 
Myndirnar eru á JPG formi, unnar í RGB með maska í 300dpi upplausn.
Ora merkið er á Editable EPS formi í Zip skrá.
Vöruupplýsingar - Sveppir og sperglar
Vörunr. Strikanr. Heiti stærð Magn
9423500 5690519035003 LÚXUSSÍLD - MARÍNERUÐ Í FLÖKUM 600 6
9423510 5690519000636 LÚXUSSÍLD - MARINERUÐ Í BITUM 590 6
9423520 5690519000629 LÚXUSSÍLD - MARINERUÐ Í BITUM 375 6
9423540 5690519035409 LÚXUSSÍLD - MARINERUÐ SÆLKERASÍLD 375 6
9423550 5690519000643 LÚXUSSÍLD - Í TÓMATSÓSU 330 6
9423560 5690519000582 LÚXUSSÍLD - Í KARRÝSÓSU 330 6
9423570 5690519000599 LÚXUSSÍLD - Í SINNEPSSÓSU 330 6
9423580 5690519035805 LÚXUSSÍLD - Í HVÍTLAUKSSÓSU 330 6
9423590 5690519035904 LÚXUSSÍLD - Í SÆLKERASÓSU 330 6
9425650 5690519036505 LÚXUSSÍLD - KRYDDSÍLD Í BITUM 220 6
 Fyrirspurn varðandi vöru eða þjónustu
Ora - Síldarsaga
Árið 1988 hófu stjórnendur Ora vinnu við að koma hugmyndum sínum um nýjar síldarvörur á markað. Niðurstaðan úr þeirri hugmyndarvinnu var sú að kynna síldarvörulínu sem myndi bera af í gæðum og bragði. Gríðarleg vinna fór í að þróa marineraða síld og síldarsósur fyrir nýja síldarlínu sem hafði þá hlotið nafnið "Ora Lúxus Síld". Árið 1989 hófst síðan farsælt samstarf við síldarvinnsluna Óskar ehf. um val og vinnslu á besta fáanlega hráefni fyir framleiðsluna. Ora Lúxus Síld kom svo á markað nokkrum mánuðum síðar og má segja að neytendur hafi tekið vörunni með opnum örmum allt frá upphafi, og gagnrýnendur gáfu síldinni frá Ora strax hæstu einkunn í fjölmiðlum.

Til að tryggja gæði vörunnar sem best, er varan í loftdregnum umbúðum þ.e. í glerkrukku sem er loftæmd og lokað með svokölluðu öryggisloki sem tryggir að ekkert loft kemst að vörunni. Ora er eina fyrirtækið á landinu sem notar þessa lokunaraðferð. Þannig haldast gæði vörunnar og líftíminn lengist. Það er stefna fyrirtækisins að bjóða ávallt uppá besta fáanlega hráefni enda á fyrsta flokks hráefni alltaf erindi til neytenda.

Árið 1997 kom á markaðinn Hátíðarsíld fyrir jólin og fyrir jólin 2003 kynnti fyrirtækið sérstaka Ora árgangasíld sem ber nafn hvers árgangs fyrir sig (þá Ora jólasíld 2003). Árið 2002 keypti Ora síðan síldarvinnsluna Óskar ehf. og fer nú öll vinnsla á síldinni (þ.e. verkun, marinering, lokun og pökkun) fram í húsakynnum Ora.

ORA HAUSTSÍLD

ORA hefur sett nýja síld á markað, Haustsíld.

Haustsíldin er verkuð upp á gamla mátann ekkert skraut heldur marineruð í bitum með nógan lauk. Hér er um að ræða kraftmikla gamaldags síld sem hentar vel á haustmánuðum. Haustsíldin er framleidd í takmörkuðu magni svo það er um að gera að ná sér í Haustsíldina í næstu verslun.
 

ORA JÓLASÍLDIN 2007

Jólasíldin í ár er bragðbætt og skreytt með negul, einiberjum, dill, rósapipar, sinnepsfræum og lárviðarlaufi.

Útkoman er miðlungssæt marineruð síld með hátíðlegu eftirbragði af kryddjurtum og lárviðarlaufi. Miðin árið 2007 er silvurlitur og mun fara afar vel á veisluborðum landsmanna um jólin.
 

ORA JÓLASÍLDIN OG HÁTÍÐARSÍLD
Sérstök jólasíld í glæsilegri glerkrukku með áföstu loki
Á hverjum jólum er hátíð í bæ í síldarframleiðslunni í verksmiðju Ora. Þá eru framleiddar tvær tegundir af sérunninni síld fyrir hátíðarnar. Flestir ættu að þekkja Hátíðarsíldina, en fyrir jólin 2003 var í fyrsa sinn kynnt á markaðinn Jólasíldin 2003.

Jólasíldin er sérvalin og unnin af sérfræðingum á sínu sviði, en Jólasíldin 2003 var valin af matgæðingum og verðlaunakokkunum í Perlunni.
Síldin
Síldin er oft réttilega nefnd silfur hafsins og gæti það verið réttnefni á tvo vegu, annarsvegar er verðmæti þessa fiskjar meira en flestra annarra og á hinn bóginn er silfraður litur fisksins svo fagur að líkja má við eðalmálm.

Síld er oftast um 30-40 cm löng og vegur þá um 500g. Hún er dekkst á bakinu og gróft hreystrið glitrar í mörgum daufum litum frá fjólu-rauðu yfir í grænt og allt þar á milli. Síld er uppsjávarfiskur sem syndir um í stórum torfum. Síldin í N-Atlantshafi greinist í marga stofna sem hrygna á misjöfnum tíma á mismunandi hafsvæðum og eru sérfræðingar búnir að leggja mikla vinnu í að aðgreina þessa stofna svo hægt sé að skipta eignarhaldi á kvótum og deila þeim verðmætum sem síldin skapar, réttilega milli þeirra þjóða sem telja sig eiga hlut að máli.Síldin er svifæta eins og flestir smærri uppsjávarfiskar. Saga síldveiða er saga gullæðis og hruns en margar slíkar eru til frá síðsta árhundraði. Með strangri vernd og skipulagi hefur nú tekist að láta flesta stofnana rétta nokkuð úr kútnum, og verður vonandi ekki aftur gengið svo nærri þessum stofnum aftur.

Ora stendur fyrir gæði
Mörgun kann að finnast það full djörf fullyrðing að Ora geti ábyrgst gæði og ánægðan neytanda. Og að vissu leiti er það svo.
Við erum hinsvegar ekki að ábyrgjast að ekkert geti komið fyrir, eða nokkuð geti verið að, heldur frekar það, að ef eitthvað mögulega kemur uppá, þá viljum við kappkosta að leita allra leiða til að koma í veg fyrir að slíkt geti hent aftur, og þannig bætt þjónust okkar og gæðakröfur enn meira en nú er. - Þannig stendur Ora enn fyrir gæði eins og við höfum gert í meira en hálfa öld.
● Meira um Ora gæði
 

upp | til baka


 
 


  Fyrirtækin:

 









Íslensk Ameríska
Tunguháls 11
110 Reykjavík
Sími 522 2700
Fax 522 2727
isam@isam.is